Тиббий буюмлар ишлаб чиқаришни маҳаллийлаштириш истиқболлари муҳокама қилинди
Тиббиёт ва фармацевтика тармоғини ривожлантириш агентлиги директори Абдулла Азизов ҳамда Ўзбекистон тиббиёт асбоб-ускуналар ишлаб чиқарувчилар ва етказиб берувчилар ассоциацияси раиси Отабек Жиянбаев Хитойнинг премиум тоифадаги имплантатлар, протезлар ва жарроҳлик асбобларини ишлаб чиқаришга ихтисослашган “Bioconcept” компанияси раиси ўринбосари ZHU Xuping билан учрашди.
Учрашувда “Bioconcept” компаниясининг фаолияти, ишлаб чиқариш имкониятлари ҳамда Ўзбекистон бозоридаги иштирокини кенгайтириш режалари тақдим этилди.
Музокаралар давомида компаниянинг ишлаб чиқариш қувватларини “BioPharma City” фармацевтика кластери ҳудудида жойлаштириш имкониятлари муҳокама қилинди. Шунингдек, инвесторлар учун яратилган шарт-шароитлар, давлат томонидан қўллаб-қувватлаш чоралари, солиқ ва божхона имтиёзлари ҳамда инвестиция лойиҳасини амалга ошириш билан боғлиқ ташкилий ва амалий масалалар юзасидан фикр алмашилди.
Учрашув якунида томонлар ҳамкорлик имкониятларини батафсил ўрганиш, истиқболли инвестиция лойиҳасини ишлаб чиқиш бўйича кейинги қадамларни белгилаш ва бунинг учун зарур маълумотларни ўзаро алмашишга келишиб олдилар.
Тиббий буюмлар ишлаб чиқаришни маҳаллийлаштириш истиқболлари муҳокама қилинди
Тиббиёт ва фармацевтика тармоғини ривожлантириш агентлиги директори Абдулла Азизов ҳамда Ўзбекистон тиббиёт асбоб-ускуналар ишлаб чиқарувчилар ва етказиб берувчилар ассоциацияси раиси Отабек Жиянбаев Хитойнинг премиум тоифадаги имплантатлар, протезлар ва жарроҳлик асбобларини ишлаб чиқаришга ихтисослашган “Bioconcept” компанияси раиси ўринбосари ZHU Xuping билан учрашди.
Учрашувда “Bioconcept” компаниясининг фаолияти, ишлаб чиқариш имкониятлари ҳамда Ўзбекистон бозоридаги иштирокини кенгайтириш режалари тақдим этилди.
Музокаралар давомида компаниянинг ишлаб чиқариш қувватларини “BioPharma City” фармацевтика кластери ҳудудида жойлаштириш имкониятлари муҳокама қилинди. Шунингдек, инвесторлар учун яратилган шарт-шароитлар, давлат томонидан қўллаб-қувватлаш чоралари, солиқ ва божхона имтиёзлари ҳамда инвестиция лойиҳасини амалга ошириш билан боғлиқ ташкилий ва амалий масалалар юзасидан фикр алмашилди.
Учрашув якунида томонлар ҳамкорлик имкониятларини батафсил ўрганиш, истиқболли инвестиция лойиҳасини ишлаб чиқиш бўйича кейинги қадамларни белгилаш ва бунинг учун зарур маълумотларни ўзаро алмашишга келишиб олдилар.