МУНОСИБ ЭЪТИРОФЛАР УЧУН ТАШАККУР

Кеча таваллуд айёмимни нишонлаган бўлсамда ҳамон табриклар келиши давом этмоқда.

Телефон қўнғироқлари, ижтимоий тармоқлар орқали кўплаб дўстларим, ҳурматли инсонлар томонидан табриклар келди. Нафақат пария Тошкент шаҳар ташкилоти раҳбари, балки, Халқ депутатлари Тошкент шаҳар Кенгаши депутатлик гуруҳи раҳбари сифатида ҳам Ватанимиз равнақи, эл юртимиз осойишталигини таъминлашга қўшаётган муносиб ҳиссамизни эътироф этиб, Тошкент шаҳар ҳокими Ж.Артикходжаевнинг табриги, Ўзбекистон Республикаси Халқ депутатлари тошкент шаҳар Кенгаши томонидан қимматбаҳо совға ҳамда табрикнома, Ўзбекистон Касаба уюшмалари Федерацияси раиси Қ.Рафиқов томонидан махсус кўкрак нишони, Ўзбекистон «Ветеран» жангчи фахрий ва ногиронлари Бирлашмаси раиси Т.Мурадов томонидан "Ёшларни ватанпарварлик руҳида тарбиялаши учун" медали билан тақдирладилар.

Кўрсатилган бу каби юксак эътибор нафақат менга балки, Халқ депутатлари Тошкент шаҳар Кенгашидаги "Миллий тикланиш" демократик партияси депутатлик гуруҳига кўрсатилган эътироф деб қабул қиламан. Барча қадрдонларимга ўз миннатдорчилигимни билдираман.

Отабек Жиянбаев,
Ўзбекистон тиббий асбоб-ускуналар ишлаб чиқарувчилар ва етказиб берувчилар уюшмаси раиси.